Inirekomenda ng health authorities sa mga indibidwal na nakakumpleto ng vaccination laban sa COVID-19 na magsuot ng face masks habang sila ay nasa indoor public places, partikular na sa mga rehiyon na naoobserbahan ang mabilis na pagtaas ng mga kaso.
Iminungkahi rin ng US Centers for Disease Control and Prevention (CDC) sa lahat ng mga estudyante, guro, at staff sa mga paaralan ng kindergarten hanggang 12th grade na magsuot na masks kahit bakunado na sila.
Inihayasg ito ng CDC sa gitna ng patuloy na pagtaas ng mga kaso sa US dahil sa mas nakakahawang Delta variant, na unang nadiskubre sa India.
Ayon kay US President Joe Biden, makakatulong ang increased vaccination at pagsusuot ng face mask para maiwasan ang pagpapatupad ng pandemic lockdowns, shutdowns, at school closures na unang hinarap ng kanilang bansa noong 2020.
Inihayag ng CDC na 63.4% ng US counties ay nakitaan ng mataas na transmission rates na sapat na dahilan para ipatupad ang indoor masking.
