KORONADAL CITY- ININDORSO na ng Joint Advisory Committee (AdCom) at Executive Committee ng Regional Development Council (RDC) XII ang proposed upgrading ng SOCCKSKSARGEN General Hospital (SGH) upang maging 300-bed facility mula sa kasalukuyang estado nito na community hospital.
Sa isinagawang budget deliberation para sa proposed budget ng DOH 12 sa Fiscal Year 2023, iminungkahi ang pagdadag ng funding allocation sa SGH para sa upgrading nito at maging regional hospital na may 300-bed capacity.
Ayon kay DOH 12 regional director Aristides Concepcion Tan na ang total budget requirement ng SGH sa susunod na taon ay nasa P 659.2 million kung saan P 70.2 million nito ay para sa Maintenance and Other Operating Expenses o MOOE at P 589 million naman ang capital outlay.
Kabilang sa development plan sa SGH ang completion ng nursing service building; 4-storey laboratory building na may blood center, molecular laboratory, genome sequencing; oxygen generation plant; 3-storey operating and delivery room building; morgue; nutrition and dietetics building; elevated water tank; generator house; at mga medical equipment.
Sa kasalukuyan, ang SGH ay nasa ilalim pa rin ng provincial government ng provincial government ng South Cotabato dahil hindi pa naililipat ang pamamahala nito sa DOH 12.
