Nakakulong eon sa Banga Municipal Police Station ro suspek sa pagpatay sa mangunguma nga si Ricky Rivero 51yo nga taga Brgy Dingle, Banga, Aklan.
Ginkilaea ro suspek nga si Diolito Pineda alyas ‘Dodoy’ nga native it Passi City Iloilo ag nagatrabaho sa Brgy. Dingle.
Sa report, parehung nakainom ro biktima ag suspek kat matabo ro insidente bangud segun sa pagminueay it biktima ag may daea pa rayang sanduko.
Bangud kara hay ginbuoe it suspek ro anang kutsilyo ag bilang depensa hay ginbuno kara sa dughan ag leog ro biktima rasun it kamatayun ni Rivero.
Sa ginpatigayun nga hot pursuit operation it Banga MPS hay nadakpan ro suspek ag presente nga nakakulong sa Banga MPS. // ANN DESLENE SALAZAR
