Patay eon ru 3 missing nga mga pasahero it pump boat nga Honey halin sa Yapak ,Malay, Aklan paadto it Hambil, Romblon.
Sa sangka interview sa survivor nga si Rolito Casidsid, boat captain, kompermadong unanag namatay sanday Jun Goyo, 65 anyos ag Joden Matorre, sa legal nga edad, daywang adlaw matapos nga tumaob.
Sunod man nga namatay si Mary Jane Motre Cesar, matapos maduea-an it animo, 3 adlaw nga pag-eotaw-eotaw sa baybayon.
Mabahoe ru pag pasaeamat ni Casidsid nga nadagsa ru gina sakyan nga pumpboat pina agi sap ag huyop it hangin sa Cocoro Island sa Palawan.
Gin paabot man ni Casidsid nga indi magkahawag ru anang pamilya sa Malay, Aklan dahil mabalik imaw sa Aklan oras nga mag mayad eon ru anang pamatyagan.
Aminado ru survivor nga gina batyag na sa makaron ru pag panaeakit sa aewas dahil sa mabaskog nga hampas it baeod kat nakipag sukoe imaw sa tahedya sa baybayon.//MARIVIC Y. ILIN
