TANGGONG na sa managlahing presinto sa kapulisan sa Soccsksargen upat katao human gisilbi kanila ang warrant of arrest.
Samtang mokabat usab sa halos P70, 000 gituohang shabu ang naimbargo, asa naa sa P2, 445 ang nakumpiska sa anti- illegal gambling operasyon. Ang maong mga wanted person’s nga una nang nadakpan ang dunay kasong lugos, murder ug kawat.
Una nang, gibutyag ni Police Brig. Gen. Percival Augustus Placer, regional director sa Police Regional Office (PRO) 12 ang pagpakusog nila sa operasyon tumong makonhuran ang pagkatala sa krimen.
Sama sa pagpangawat ug pagpanulis sa rehiyon, asa nakalabay’ng bulan nahimong sunod- sunod ang pagkatala sa maong mga insidente.
Dugang ni Placer, gimandu usab niya sa mga labaw sa police offices nga ipagawas ang tanang pulis sa kadalanan aron batukan ang kriminalidad sa rehiyon-12. I Richel Gubalani
