Pinayuko ng UP Fighting Maroons ang La Salle Green Archers.
Matapos ang mabagsik na unang quarter, mabilis na nakontrol ng Fighting Maroons ang Green Archers sa iskor na 97-67, sa Game 1 ng UAAP Season 86 Finals.
Nanguna si Harold Alarcon sa UP na may 21 puntos; habang si Francis Lopez ay may 15 points at 11 boards.
Ayon kay Lopez, ang misyon ng Fighting Maroons ay makakuha ng dalawang panalo, isa na lamang daw ay makakamit na ng koponan ang kanilang minimithi.
Susubukan ng UP ang ikalawa nilang kampeonato sa Game 2 ngayong Linggo, December 3.
