Mas ginpabaskog pa it Malay LGU ro kampanya kuntra sa mga ilegal nga tourist guide sa Boracay Island matapos matapos makabaton it nagataas nga report nga maabo segun nga mga tourist guide sa probinsiya ro bukon it lisensyado.
Sa presente, nakipag-angot eun ro inspection team it lokal nga gobyerno it Malay sa Philippine National Police sa pagsugpo sa mga bukon it rehistradong tourist guide sa Boracay Island.
Base sa Malay LGU, ro tanan nga mga tourist guide, coordinator, ag escort hay kinahangean nga makarehistro ag makabueo it lisensya o permit.
Ro mga tourist guide nga nagpa-daeom sa mga pagsasanay ag community guiding seminar hay ginakilaea it Department of Tourism (DOT) ag Municipal Tourism Office para sa nakaigo nga tour guiding sevices.
Naga-asa man ro LGU Malay nga madasig nga masugpo ro nagabahoe nga numero it mga unregistered tour guides bangud sa nasambitan nga tikang./JIL B. LACSON
