Sa mas ginpabaskog nga kampanya ag operasyon kuntra sa mga ginabawae nga droga, na-neutralize it Iloilo Police Provincial Office (IPPO) ro 89 ka mga drug personalities halin Enero hasta Agosto it dag-on ngara.
Base sa datos it IPPO, P6.5 milyon nga balor it shabu ro nakumpiska it mga otoridad.
Base pa sa pahayag it IPPO director nga si Police Colonel Adrian Acollador, kinahangean pa anda nga pabaskugon ro kampanya kuntra sa iligal nga droga sa pagdiskubre it mga aktibidad nga may kaangtanan dikara agud mataw-an it insigida nga solusyon.
Ginkumbinse man nana ro publiko nga insigida nga i-report sa pulisya ro anuman nga aktibidad it iligal nga droga sa andang mga lugar./JIL B. LACSON
