Nagpahayag ng pagkakaisa ang Union of the Local Authorities of the Philippines sa kabila ng mga panukalang ihiwalay ang Mindanao sa Pilipinas.
Naniniwala ang grupo na dapat panatiliin ang integridad ng buong teritoryo ng Pilipinas dahil nasa pagkakaisa ng lakas ng bansa.
Inaanyayahan din ng grupo ang aktibong partisipasyon ng mga LGUs, Civil Society groups at mga komunidad sa mga dayalogo para matugunan ang kanilang pangangailangan.
Samantala, sinabi naman ni AFP Gen. Romeo Brawner Jr. sa kanyang pagbisita sa Mindanao na tiwala siya sa katapatan at propesyonalismo ng bawat miyembro ng sandatahang lakas.
