Bahagyang bumaba ang unemployment rate sa bansa nitong Nobyembre.
Sa inilabas na datus ng Philippine Statistics Authority (PSA) naitala sa 6.5% nitong Nobyembre 2021 ang mga Pinoy na walang trabaho.
Mas mababa ang naturang bilang kaysa sa naiulat noong Oktubre 2021 na nasa 7.4%.
Ayon sa PSA aabot sa 3.16 million ang mga unemployed persons o bilang ng nasa labor force na walang trabaho o negosyo noong Nobyembre, mas mababa ng 0.34 million sa naitalang 3.5 million noong Oktubre ng nakaraang taon.
Samantala naitala naman ng PSA ang 16.7 percent underemployment rate nitong Nobyembre 2021 mas mataas kumpara sa naireport noong Oktibre 2021 kung saan nasa 16.1% lamang.
