Masobra sa 100 thousand nga mga residente it Western Visayas ro nabakunahan kuntra sa COVID-19 sa una nga adlaw it “Bayanihan Bakunahan” o national vaccination days.
Sa inisyal nga datos nga nabaton it Department of Health (DOH) Region 6; 112,941 ka mga indibidwal ro nakabuoe it andang COVID-19 jabs halin sa masobra 500 vaccination site sa bieog nga rehiyon.
May kabieogan nga 103,265 nga mga residente ro nakabaton it andang unang dose, 8,314 ro nakaangkun it andang pangaywang dose, ag 981 ro naturukan it andang mga booster shot.
Nauna dikara, nagtaeana ro DOH it 1.2 milyong target nga mga indibidwal nga mabakunahan pero ginpanaba raya sa 791,038 base sa commitment it local government units (LGUs).
Ro daily target hay na-adjust sa 263,678 kada probinsya ag highly urbanized nga siyudad:
* Aklan – 26,530
* Antique – 15,000
* Capiz – 44,525
* Guimaras – 9,566
* Lalawigan ng Iloilo – 90,000
* Negros Occidental – 50,000
* Lungsod ng Bacolod – 22,057
* Iloilo City – 6,000
Sa pinakaulihi nga datos, nabakunahan it Rehiyon 6 ro 42.83% daily target./JIL B. LACSON
