KORONADAL CITY — ARESTADO sa bayan ng Tantangan, South Cotabato ang dalawang lalaki na mga suspek sa nangyayaring hold-up sa Tacurong City.
Sa panayam ng Brigada News FM Koronadal kay Police Capt. Junel Rey Gatera , OIC chief of Police ng Tantangan PNP, kinilala nito ang mga suspek na si Ula Abdul Abidin , 23-anyos, single at residente ng Barangay Maindang, Lutayan, Sultan Kudarat at isang alyas Asam, menor de edad at residente ng Kalbugan, Pagalungan, Maguindanao.
Ayon kay Gatera na nahuli ang dalawa matapos ang mas pina-igting na pagbabantay ng Tantangan PNP sa kanilang mga borders dahil sa mga nangyayaring hold-up sa isang barangay ng bayan.
Nakuha naman sa u-box ng motorsiklo ng mga suspek ang isang baril at mga bala.
Positibo namang kinilala ng limang biktima ng hold-up sa Tacurong City ang dalawang nahuli.
Sa ngayon, apat na suspek na ng panghohold-up ang nahuli ng Tantangan PNP.
Umaasa naman si Gatera na makakakuha ng impormasyon mula sa mga nahuli ukol sa kanilang lider sa krimen.
