San Jose, Antique – Ginlunsyar kang damlag lang ang “Tutok Kainan Dietary Supplementation Program” nga ginpangunahan kang National Nutrition Council sa tinutuyo nga makabulig pauntat kang kagutom kag malnutrisyon sa probinsya kag makapasanyog kang kalidad kag kantidad kang pagkaon kang kabataan nga sa edad 6-23 ka bulan kag mga naga busong.
Ginpahayag ni OIC Regional Nutrition Program Coordinator Sheryl Sedantes, ang napilian nga banwa para sa kadya nga tuig ang ginabug-usan kang Libertad, Belison, Tibiao, kag Tobias Fornier sa diin may nabalhag nga pinakamaduro nga target nga populasyon.
Sa dyang programa, magabaton kang masustansya nga pagkaon ang mga kabataan sa sulod kang 180 days.
Photo: PIA Antique
