Ginaeauman it Department of Tourism (DOT-6) nga magataas pa ro numero it mga turista nga magabakasyun sa Western Visayas sa second half it 2022.
Raya hay bangud maabo nga tourist destinations ro nagbukas sa rehiyon, dugang pa nga ginhaeugaan eon ro travel restrictions.
Suno kay DOT-6 Regional Director Cristine Mansinares, may una man nga mabahoe nga pueong ag kumperensya ro naka-schedule sa Western Visayas sa ulihing an-um nga buean it 2022.
Sa makarun, ro DOT-6 hay nakalista it kabilugan nga 1,020,313 local ag foreign tourists halin it Enero hasta Hunyo makarun nga dag-on.
Ro nasambit nga numero hay mas mataas it 125 percent kumpara sa nailistang tourist arrivals ku nagtaliwan nga dag-on. / ANN DESLENE SALAZAR
