Masobra sa 2 milyon nga turista do nag’abot sa Isla it Boracay maghalin ko Enero hasta Desyembre 2023, daya hay suno sa Malay Tourism Office.
Matandaan nga naghiwat it meeting do 2nd Boracay-Caticlan Sustainable Development Council, kung sa siin ginkasugtanan nga pwede eun magbutang it beach bed ag payong, night swimming hasta it 9 pm, pagdaea it pagkaon ag inom sa mga party boat ag pagpadali it transaksyon agud makasueod sa Isla.
Kabahin man sa ing kasugtanan do pagpamayad it serbisyon ag ubrahong tourism-friendly do nasambit nga Isla.
Ina sa heightened alert status makara do Philippine Coast Guard imaw man do mga paeuparan para sigon sa holiday season. //MERIAM LUMBRES AGDIPA
