Gilaraw karon sa probinsyal nga panggamhanan sa Davao Oriental nga suspendihon una ang operasyon sa turismo sa ilang probinsya tungod sa padayong pagdaghan sa mga kaso sa COVID-19.
Sumala kang Davao Oriental Provincial Health Officer Dr. Reden Bersaldo, posibleng karong Domingo sugdan ang pagsuspedi sa tourism human ang panagpulong tali sa tourism council ug mga stakeholders.
Tumong matud pa niini aron makapahigayon og mas kumprehensibong testing sa tanang mga empleyado sa mga establisyemento.
Base sa talaan ang syudad sa Mati ang dunay pinakadaghang natalang kaso nagsunod ang mga lungsod sa Baganga ug Lupon nga nag-unang mag tourist destination sa lalawigan.
Kahibaluang anaa sa 288 ang aktibong kaso sa Covid-19 sa Davao Oriental as of June 14, 2021. BNFM-DAVAO
