Nagahatag sang hu-ol sa mga pumuluyo ang tubig-baha nga wala nagahubas sa may bahin sang Sitio Pagutok, Barangay Dayao, Roxas City.
Suno kay Tatay Nestor, pila na ka adlaw ang ila paglusong sa mahigko nga tubig-baha nga dala sang wala untat nga pag-ulan sadtong nakaligad nga mga inadlaw. Isa sa mga rason nga wala nagahubas ang tubig bangud sa pagsarado sang drainage nga nahamtang sa pribado nga lote sa nasambit nga lugar. Dugang pa sini, apektado gid ang mga estudyante kag mga residente nga wala sang service sa tion nga maghalin sa ila puluy-an bangud kinahanglan gid nila nga maglusong antes makaabot sa ila pakadtuan.
Nahibaluan, nga ginpadulungan naman ini sang City Government agud mahatagan sang solusyon ang problema sang mga pumuluyo. | Judy Ann Juare
