LEGAZPI CITY – Nagsimula na ngayon ang striktong pagpapatupad ng truck ban sa ilang bahagi ng lunsod ng Legazpi.
Sa nakalap na impormasyon ng Brigada News FM Legazpi, nagbaba ng order si Albay Governor Noel Rosal ukol sa Public Safety Office at Philippine National Police na higpitan ang truck ban sa Brgy. Rawis at maging sa Yawa Bridge.
Dahilan nito ang matinding traffic na nararanasan sa UST at Yawa Bridge halos araw-araw.
Ang truck ban umano ay nagsisimula ng alas-6 hanggang alas-9 nang umaga at alas-6 hanggang alas 9 nang gabi.
Aasahan din umano ang bigat ng trapiko dala ng pagbubukas na ng face to face classes.
Maliban pa rito, minomonitor din ang mga 10 wheeler trucks na ginagamit sa quarry operators na patuloy na lumalabag sa pinalabas na EO ng provincial government of Albay.
