Sinunggaban it sangka utility truck ro sangka tricycle sa may diversion road sa Brgy. Tabayon, Banga, Aklan.
Ginkilaea ro tricycle driver nga si Agustin Dichoson 60yo it Brgy. Feleciano, Balete samtang ro driver it truck hay si Rodencio Quirante 53yo it Brgy. Caticlan, Malay.
Sa report, paagto it Kalibo ro truck kung siin madasig segun ro pagmanehu kara ag pag abot sa may pakurbada hay nasunggaban kara ro tricycle nga anang nakasubeang.
Inapok ro tricycle ag naeupi samtang naninahan ro driver kara nga si Dichoson nga naka confine makarun sa Aklan Provincial Hospital.
Ginkustodiya man it Banga MPS ro driver it truck para sa nagakaigu nga disposisyon. / ANN DESLENE SALAZAR
