Sikop sa mga sakop sa Los Amigos Police Station ang usa ka tricycle driver human kini nag-sideline sa pagpamaligya og iligal nga droga, pasado alas 8:00 sa gabii, Hunyo 5, 2024 sa Purok 11, Brgy. Los Amigos, Tugbok District ning syudad.
Giila sa kapulisan ang dinakpan nga si alyas Migo, 55 anyos, minyo nga residente sa Purok 6, Brgy. Bago Oshiro, Tugbok District, Davao City.
Nasikop matod pa ang suspek atol sa gikasang drug buy-bust operation, diin malampusong napalitan ang nahisgutan og pakete sa gituohang shabu sa operatiba.
Ang gituohang shabu nga nakuha sa nahisgutang dinakpan mubalor sa kinatibuk-ang kantidad nga Php8,000.00.
Gikustodiya na karon sa Los Amigos Police Station ang maong suspek ug gi-andam na ang kasong paglapas sa R.A 9165 o Comprehensive Dangerous Drugs Act of 2002 batok kaniya.