Kulong sa Kalibo MPS ru sangka tricycle driver matapos magbasotos sigun it sangka 13 anyos nga babaye nga pasahero samtang naga pauli sa Andagao,Kalibo.
Base sa fb post it ama ku biktima, gin inistoryahan sigun it driver ru biktima angot sa sex ag gn sugiran nga may ana pa sigun nga gin daea sa Tambak ag may natabo kanda.
Gin liko pa sigun sa saea nga daean ru biktima apang nag hambae sa driver nga bukon it ruyon ru anang gin auli-an nga lugar.
Raya tanan hay nagtuga it kakoeba ag nerbyos ag ma swerteng safe nga naka uli sa andang panimaeay ru biktima.
Nabue-an pa it picture ku biktima ru plate number it naga byaheng tricycle ag ngaean it operator.
Nakipag kita man sa Kalibo MPS ru suspek ag nag pangayo it pag pasaylo sa pamilya it biktima apang paga kasuhan gihapon ru suspek it mg aginikanan ku biktimang menor de edad.//MARIVIC Y. ILIN
