PATAY ang usa ka tricycle driver nga taga Lutayan, Sultan Kudarat human gipusil sa wala pa mailhing gunman pasado alas kwatro sa hapon adlaw nga Sabado.
Subay sa talaan sa Makar Police Station ang insedenti may gigamit nga armas nahitabo Hulyo tres sa hapon sa Zone 8, Purok Mudia Extension, Barangay Labangal, General Santos City.
Ang biktima naila sa pangalang Suhod Lakim Husain, 29- anyos, ulitawo, tricycle driver ug nagpuyo sa Purok 7, Lanton, Apopong ug wala pa mailhi ang namusil.
Alas kwatro y media sa dihang nakadawat og taho ang Makar PNP nga adunay gipusil sa lugar, sa pag-abot sa kapulisan pinaagi ni Pssg Leyva kuyog ang imbestigador nga si Pcpl Taylaran,nakita nga nagahigda ang biktima sa iyang tricycle, adunay duha ka samad pinusilan sa ulo nga maoy hinugdan sa hinanaling kamatayon, samtang ang namusil nisibat na.
Nag-request ang Makar PNP sa taga Regional Crimelab aron i-proseso ang crimes cene kung asa naka-recover sila og usaka barrel bushing, usaka recoil spring plug nga gidudahan nga iya sa calibre .45 nga armas.
Samtang ang biktima gidala dayon sa pamilya sa Lutayan, Sultan Kudarat aron mapalubong paagi sa ilang tradisyon.
Sa karon gina-imbestigahan pa sa kapulisan ang motibo sa kremin. ( Ever Diazon)
