Arestado ang isa ka tricycle driver sa ginkasa nga drug buy-bust operation sa gintingub nga pwersa sang Provincial Police Drug Enforcement Unit kag Cluster SDET nga ginakabug-usan sang Dumarao MPS, Cuartero MPS kag Dao MPS sa Barangay Lacaron, Dao, Capiz.
Ginkilala ang naaresto kay Joe Vincent Donado, 37-anyos, residente sang Barangay Poblacion Ilaya sang nasambit nga banwa.
Narekober sa paghinakop ni Donado ang 3 tanan ka sachets sang ginapatihan shabu, cellphone, tricycle kag iban pa nga drug paraphernalia.
Ginabanta nagabug-at sang 2 grams kag nagabalor sang P13,600 ang mga nakumpiskar nga iligal nga droga.
Magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002 ang nadakpan.
Sa karon, nagapabilin ini na sa karsel sang Dao PNP para sa nakaigo nga disposisyon. | Judy Ann Juare
