MISAKA sa 4.8 milyon ang domestic ug foreign tourists nga mibisita sa bahin sa Soccsksargen region, sa datus sa ikatulong kwarter sa tuig. Kini dungan sa pag-abli na sa mga tourist destination dungan sa pag-igo sa Covid-19 pandemic.
Sa datus nga gipagula sa Department of Tourism-Region 12 (DOH-12) director, Martes sa hapon mokabat sa kinatibuk-ang 4,885,279 ang same-day ug 1,045,454 overnight visitors.
Ang probinsiya sa Sarangani ang nakatala og labing daghang numbero sa same-day ug overnight visitors nga dunay 1,635,575, gisundan South Cotabato nga dunay 1,279,695.
Misunod ang Cotabato nga nakarekord og 657,656;GenSan nga nakarekord og 548,409; Sultan Kudarat nga dunay 313,253; Koronadal City 176,723;Tacurong City 164,940 ug Kidapawan City nga nakatala og 109, 025. Samtang misaka usab sa 32. 03% ang average occupancy rate in accommodation establishment’s nga nag-stay bisan usa ka gabii.
Matud ni April Marjorie Rudes, tourism officer sa Sarangani nga padayon pa ang pagrekober sa turismo sa probinsiya. Apan maayong sinyales na ang rekord nga nagpakita nga sila ang ‘most visited’ nga lugar sa rehiyon.
Una nang, gibutyag ni Engr. Armin Hautea, regional director sa DOT-12 nga pipila ka estratehiya ang gihimo aron matabangan ang pagbangon sa industriya gikan sa pandemya. I Richel Gubalani
