Altavas, Aklan – Gintaw-an it cake it Altavas PNP bilang sorpresang pa-birthday para kay Ressurecion Sonio nga nagselebrar it anang ika-56 nga kaadlawan makarung adlaw, July 5, 2022.
Si Sonio hay Top 2 Most Wanted Person (Provincial Level – Aklan) ag nadakpan ku June 3, 2022 sa bisa it warrant of arrest sa kasong “Murder”.
Temporaryo imaw nga nakakulong sa Altavas Municipal Police Station samtang nagahueat it anang dismissal order halin sa korte.
Eubos nga nagpasaeamat si Tatay Sonio sa pagbulig ag pag-aruga kana it Altavas PNP. / ANN DESLENE SALAZAR
