Nakasulod sa top 10 alang sa October 2023 Geodetic Engineers Licensure Examination ang tulo ka mga alumni gikan sa University of Southeastern Philippines (USeP)- Davao.
Nakuha ni Joshua Carl Mari Fajardo ang top 1 diin nakakuha kini og 89.60% nga rating. Gisundan nila ni Joseph Rey Bote Carmelotes nga naa sa ikalimang pwesto nga nakakuha og 88.00% ug ika-pito si Jasmine Joyce Demetillo Mamawal nga dunay rating nga 86.60%.
Sa milabay’ng tuig, nakuha sab sa nasangpit nga unibersidad ang top 1 alang sa susamang licensure examination.
Gipahigayon ang Geodetic Engineering Licensure Exam sa nagkadaiyang testing centers sa Metro Manila, Baguio, Butuan, Cebu, Legazpi, Lucena, Pagadian, Koronadala, Tacloban, Tuguegarao, Zamboanga ug dinhi sa syudad sa Davao.
