Himas sa rehas ang usa ka tindero sa ice candy ug binangkal human nga nagpataya og last two atol sa gikasang operasyon sa Regional Special Operations Group XI ug Malalag Municipal Police Station sa Sitio Waray, Brgy Baybay, Malalag, Davao del Sur.
Ang suspek giila nga si Nestor Legaspi , 52 anyos, ulitawo, ug residente sa Purok 7, Crossing Baybay, Brgy Baybay, Malalag, Davao del Sur.
Nasakmit sa nahisgutan ang 1 ka pad nga kotejo, Usa kapalid sa kotejo nga adunay taya nga numero, Usa kagamay nga Carbon Paper, usa ka ballpen, kwarta nga nagkantidad ug 120.00 pesos.
Nakakustodiya na ang dinakpan sa Malalag Police Station ug nag-atubang og kasong pagsupak sa Presidential Decree No. 1602 o illegal gambling.
