Planong makipag-partner ng Thailand sa Pilipinas para mapalakas ang turismo.
Ayon kay sa Ministry of Tourism and Sports Vice Minister ng Tahiland na si Jakkaphon Tangsutthitham, kasama sa hakbang na ito ang pagpo-propose ng sister city agreements kasama ang tourist spots sa Cebu at Baguio.
Maliban sa mga ito, nabanggit din ng opisyal ang pagpo-promote ng scuba diving tourism activities sa Oilipinas at Thailand – na aniya ay ‘very similar.’
Binigyang-diin ni Tangsutthitham na ang mungkahing ito ay bahagi ng “two countries, one destination” initiative na may layong hikayatin ang mas maraming turista, partikular na mula sa mga First World countries na bumisita sa Thailand at Pilipinas.
Upang maisakatuparan umano ito, mahalagang magkaroon ng mas maraming direct flights sa pagitan ng Pilipinas at Thailand.
