DAGHAN ang nagareklamo sa buhatan sa traffic enforcement unit o TEU kalabutan sa overpricing nga pamasahi sa GenSan.
Sumala sa hepe sa buhatan nga si PMajor Oliver Pauya sagad sa mga nabiktima sa overpricing pamasahi ang mga trabahante ug estudyante nga walay sakyanan.
Hinungdan nga nagbahad ang opisyal sa pagdakop sa tanang drayber nga masakpan nagapaningil og dako nga pamasahi sa pasahero.
Kinahanglan sumala pa nga magtinabangay ug magsinabtanay ang tanan tungod aduna sab mga pasahero nga insakto ang allowance sama sa mga estudyante, ingon man mga trabahante nga minimum ang sweldo.
Matud ni Pauya, kung may drayber nga magsulti nga lugi sila dili sumala pa kini mahimong basihan tungod ang presyo sa gasolina karon mas ubos na kung itandi kaniadtong pandemya asa limitado sab ang isakay nga pasahero ug mas looy sumala pa ang mga commuter nga walay kapasidad makapalit og sakyanan sama sa tricycle ug uban pa. I Enamie Mogpon
