KABANKALAN CITY, Negros Occidental — Lima ka Negrosanon development workers nga naga-pangatubang sang terrorism financing complaints bangud sa gina-alegar pag-suporta sa New People’s Army, nagsiling nga wala ini sang ‘factual evidence’.
Sa interview sang Brigada News FM-Kabankalan kay Felipe Levy Gelle, Jr., ang pagtudlo sa iya kaupod ang apat pa gid ka development workers nga nagahatag suporta sa NPA, ang gina-alegar himo-himo lamang nga estorya nga may tinutuyo nga gub-on ang ila mga inisyatibo para sa mga komunidad.
Sang Abril 24, 2024, nabaton sang mga indibidwal ang complaints gikan sa Department of Justice sa Manila, agud sabton ang alegasyon sang mga kapulisan nga nag-bayolar ang mga ini sa Republic Act 10168, ukon ang Terrorisn Financing Prevention and Suppression Act of 2012.
Lakip sa mga gin-papanaugan sang subpoena amo sanday Clarissa Ramos, former executive director sang Kauswagan Development Group kag asawa sang gin-patay nga human rights lawyer nga si Benjamin Ramos; Federico Salvilla, former advocacy staff sang PDG; Perla Pavillar, miyembro sang operation team ka PDG, kag Dharryl Albanez sang Kristyanong Mangunguma Lubos Itib-ong ang Grupo.
Nahibalu-an nga ang gin-pakilala nga witness amo ang gina-alegar anay NPA nga si Jonel Moreno, kag joint affidavit sang mag-asawa nga Danila kag Joeana Dela Cruz.*