LEGAZPI CITY – Dakula an tiyansang mas malangkaw pa an temperature sa syudad nin Legazpi ngunyan na taon.
Ini an piglalaoman kan CDRRMO basado projections kan PAGASA para sa climate trends na may kinaraman sa temperatura.
Sa intrevista kan Brigada News FM Legazpi kay CDRRMO head Engr. Miladee Azur, sinabi niya na uminabot sa 52 degrees an pinakahalangkaw na nairehistro kan nakalihis na taon.
Alagad, ngunyan na taon, posibleng malampawan pa ini huli sa nanutarang ‘increasing trend’ sa probinsya kan Albay.
Igwa o wara ki El Niño, papalangkaw an temperatura sa bilog na probinsya.
Kaya pig-aabisuhan an gabos na mag-ingat asin dapat magtenir na hydrated.
