Arestado ro daywa ka eaeaki sa drug buy bust operation kaina it agahun sa Sitio Bolabog Brgy. Balabag sa isla it Boracay.
Ginkilaea ro mga inaresto nga sanday Thomas Montecarlo 25yo it Libertad, Antique, sangka tattoo artist ag kaibahan kara nga si Dan Angelo Santos it Marikina.
Nabuoe kay Montecarlo ro sangka sachet it suspected shabu ag buybust money nga nagabalor it P1,000.
Sa ginpatigayun nga body search hay naboe-an pa raya it dugang nga daywa ka sachets it suspected shabu.
Samtang, narekober man it mga otoridad kay Santos ro daywa ka sachets it suspected shabu, sangka sachet it dried marijuana ag wooden pipe nga may sueod nga marijuana.
Nasayuran nga may daywang dominggo eon nga gina-monitor it mga otoridad si Montecarlo.
Aminado man ro daywa ka suspek nga naga gamit sanda it illegal nga droga para mabuoe ro gaoy sa andang trabaho.
Maga pangatubang man ro daywa sa kasong pag eabag sa Comprehensive Dangerous Drugs Act of 2002. / ANN DESLENE SALAZAR
