Ginpahayag it Department of Education (DepEd) 6 nga may tatlong transition options ro ginpasugtan it andang taeatapan sa paghiwat it mga klase sa Agosto 22.
Ro tatlo ka mga options nga ginsambit hay ro five days in-person classes, blended learning modality, and full distance learning.
Sa 3,220 ka mga elementary public schools sa bieog nga rehiyon, 722 ro maga-obserba it five days in-person classes; 2,284 ro magahimo it blended learning modality kung siin may tatlo ka adlaw nga in-person classes ag daywa ka adlaw nga distance learning; ag 214 man ro magahiwat it full distance learning.
Samtang sa 190 ka mga integrated schools, 37 ro napili nga maghiwat it full face-to-face classes; 150 ro maga-obserba it blended learning; ag tatlo ro full distance learning.
Sa 635 man nga mga secondary public schools, 99 ro maga-implement it full face-to-face classes; 517 hay blended learning; ag 19 ro maga-obserba it full distance learning./JIL B. LACSON
