Nagtala ng tatlong phreatomagmatic burst ang Taal Volcano sa loob ng 24-oras.
Ayon kay sa Philippine Institute of Volcanology and Seismology (PHIVOLCS) nagkaroon ng pagsabog sa bulkan alas-9:30 ng umaga, 9:33 ng umaga, at alas-9:46 ng umaga noong Lunes.
Maliban dito walong volcanic earthquakes, kabilang ang volcanic tremor, ang namonitor din sa paligid ng Taal na tumatagal ng hanggang 5 minuto
Nagbuga din ang bulkan ng kabuuang 4273 tonelada ng sulfur dioxide.
Kasabay nito nagbabala ang PHIVOLCS sa mga posibleng panganib habang nakataas pa rin ang Alert Level 3 sa Taal, kabilang ang biglaang pagsabog, pyroclastic density currents o base surge, volcanic tsunami, ashfall, at akumulasyon ng lethal volcanic gas.
