KALIBO, AKLAN—Tatlong local tourists sa isla it Boracay do gindakop matapos magpakita it pekeng reverse transcription – polymerase chain reaction (RT-PCR) test results kahapon, July 14, 2021.
Base sa report do mga nadakpang turista hay ginaeakipan it daywang babaye ag sangka eaeaki nga nagaedad it 56, 55 ag 64 anyos ag tanan hay taga-AFP Housing, Zone 5 Bulihan, Silang, Cavite.
Suno kay Police Lieutenant Colonel Don Dicksie De Dios, Malay Municpal Police Station, Chief of Police, nakabaton sanda it tawag maghalin sa staff it Aklan Provincial Tourist Validating Office nga may unang tatlong local tourist nga nagsueod sa Boracay gamit do pekeng test results.
Angot kara, insigida nga gin-agtunan it mga pulis do hotel kung siin temporaryong nagatinir do mga turista ag gin-aresto do mga raya ag do mga subject persons hay ginbutang sa quarantine facility sa banwa it Kalibo.
Nasayuran nga base sa electronic mail nga ginpadaea it Research Institute for Tropical Medicine sa Aklan Tourist Validating Team, do test results it daywang turista hay owa ginagamit it andang institusyon ag do sambilog hay bukon it balido.
Samtang, nakataeana man nga pasakaan it it kaso do nasambit nga mga turista particular do pag-eapas sa Republic Act 11332 (Law on Reporting of Communicable Diseases) at Article 175 of the Revised Penal Code (Using false certificate). // SHERRY ANNE REUNIR-VIDAL
