CAMARINES NORTE- Nakatakdang tunguhin ngayong Linggo ng Commission on Elections ang tatlong Barangay sa bayan ng Basud, Camarines Norte para sa nagpapatuloy na satellite voter’s registration.
Ito ay bilang paghahanda sa Barangay at Sangguniang Kabataan Elections sa Disyembre.
Ngayong araw ay gagawin ang satellite voter’s registration sa Barangay Hall/ covered court ng Langga mula alas 8 ng umaga hanggang alas 5 ng hapon.
Ang mga tatanggaping klase ng application ay new registration, transfer mula sa ibang munisipyo o barangay, change/correction of entries, reactivation of records, inclusions and reinstatement at transfer from foreign post to local.
Ang mga magpaparehistro ay pinapayuhang magdala ng alinman sa mga sumusunod; National ID, Employee’s ID na may pirma ng employer o authorized representative, Postal ID, National PWD ID card, Student’s ID o library card na may pirma ng school authority, senior citizen’s ID, driver’s license, NBI clearance, passport, SSS/GSIS ID, IBP ID, lisensiya na inisyu ng PRC, Certificate of confirmation issued by NCIP kung miyembro ng IPs, Barangay Identification o certification na may picture o anumang valid ID
Bukas, Hulyo 13 ay ang Barangay Mandazo naman ang tutunguhin ng Comelec at gagawin ang registration sa Barangay Hall/Covered Court.
Sa Sabado ay ang Barangay Mantugawe naman ang sunod na pupuntahan.
Malaking tulong ang satellite registration dahil hindi na kailangang magtungo sa munisipyo ang mga taga Barangay para magparehistro at maiiwasan rin ang mga karagdagang gastusin.
