Umabot sa 1,681 nga mga kapulisan ag non-uniformed personnel ro nakapagboto sa ginpatigayun nga tatlong adlaw nga Local Absentee Voting halin it Abril 27 hasta 29, 2022 sa Iloilo Police Provincial Office Headquarters sa Santa Barbara, Iloilo.
Matandaan nga naging host ro IPPO HQ sa nasambit nga aktibidad para mataw-an it kahigayunan ro mga imyembro it PNP halin sa Regional Headquarters, Regional Mobile Force Battalion 6, National Support Units, Iloilo City Police Office ag IPPO.
Ro LAV hay nagatao it tiempo sa mga kapulisan nga nadestino sa nasambit nga unit nga halin pa sa maeayong lugar para makaboto ku andang nailaan nga kandidato sa National Positions.
Ro nasambit nga aktibidad ro nagatao it kahigayunan sa mga kapulisan para nga makatutok sa andang obligasyon sa adlaw it Eleksyon sa Mayo 9. / ANN DESLENE SALAZAR
