Dead on arrival ang isa ka indibidwal samtang pilason ang naman ang duha ka mga biktima nga ginapahayag nakuryente sa Barangay Maantol, Jamindan, Capiz.
Ginkilala ang mga biktima nga sanday Gene Isidoro 41-anyos, Russel Bipiniso 41-anyos kag ang bata sini nga isa ka menor de edad, lunsay mga residente sang nasambit nga lugar.
Base sa impormasyon, natabo ang insidente takna alas 8 huwebes sang aga, kun sa diin ginapahayag gin-utod ni Isidoro ang kuryente nga ginapanag-iyahan ni Bipiniso kag sa pagdumdum sini wala nagakonektar sa poste kag sang iya pagbutong aksidente nga nakasang-it ini sa live wire.
Gilayon naman nga ginpadangat sa balay bulolngan si Isidoro apang ginbawian gid ini sang kabuhi samtang nagapabilin naman ang mag-amay nga Bipiniso sa ospital para dapatan sang nagakaigo nga pagbulong.
