Nagapabilin ro tatlo ka banwa sa probinsya it Aklan sa ‘red zone’ category sa African Swine Fever (ASF) zoning status as of July 16, 2024.
Ro banwa it Tangalan, Ibajay ag Altavas hay na-kategorya sa red zone samtang ro Buruanga hay nagapabilin sa yellow zone (surveillance), base sa Department of Agriculture-Bureau of Animal Industry (DA-BAI).
Ginpapanaog man it DA-BAI ro mga banwa it Numancia, Lezo, Nabas, Batan ag Malay halin sa red zone paagto it pink zone.
Ro waeo ka banwa nga naeakipan it Kalibo, Malinao, Libacao, Balete, Madalag, Makato, Banga ag New Washington ro nagpabilin sa zoning status sa pink zone category. // ANN DESLENE SALAZAR
