Arestado ro 32-anyos nga tatay bangud sa uman-uman nga pagpanimueos sa anang unga nga babaye sa suoed it tatlong dag-on.
Base sa report it mga otoridad, ro uwa ginapangaeanan nga suspek hay nakaeakip sa drug watch list it kapulisan bilang “street level druggie.”
Base man sa pahayag it presente nga 15 anyos nga biktima, makara eamang nana ginsugid ro insidente sa anang lola ag nag-umpisa pa raya ku 12 anyos pa eang ro dalagita.
Ro nanay it biktima hay nagatrabaho sa Manila rason nga uwa nana nasayuran ro kahimtangan it unga.
Sa bulig it Women and Children’s Protection Desk ginpasakaan it kaso ro suspek./JIL B. LACSON
