Sanib-pwersa matud pa ang Task Force Oro ug mga security agency sa dakbayan sa Cagayan de Oro sa pagsumpo sa posibleng pagpanabotahe sa kahusay ug kalinaw sa syudad.
Mapasalamaton si Task Force Oro Commander Col. Warren C. Munda sa gipakitang suporta sa mga security agency sa paghatag seguridad sa nagkalain-laing establisyemento dinhi sa syudad.
Mahinungdanon matud pa ang abilidad ug kapasidad sa usa ka security guard sa matag patigayon aron mapugngan ang mga indibidwal nga dunay dautang tumong.
Nasayran nga gipangunahan mismo sa Task Force Oro ang gilusad nga 4th Joint Tactical Inspection sa mga security guard sa usa ka dakong Mall ning syudad sa Cagayan de Oro, kaganiha sa buntag.
Tumong sa maong tactical inspeksyon nga mahatagan sa dugang kadasig ang mga gwardiya sa pag-protehir sa katawhan labi na sa mga mall goer ug uban pang mga establisyemento.
