Inanunsyo ng National Grid Corporation of the Philippines ang target dates nito para maibalik ang suplay ng iba’t-ibang utility firms matapos ang pananalasa ng Bagyong Odette.
Ayon kay NGCP spokesperson Cynthia Alabanza, tapos na nilang pagserbisyuhan ang VECO, MECO, CEBECO II at CEBECO III.
Gayunman, wala pang maibigay na impormasyon ang NGCP para sa CEBECO I.
Inaasahan naman na maibabalik ang kuryente ng konsyumers ng SOLECO at LEYECO IV sa Samar at Leyte sa December 31.
Target naman ng NGCP na maibalik ang operasyon ng DORELCO sa December 25.
Inihayag rin ni Alabanza na sinisikap nila na tuluyang maibalik ang kuryente sa Surigao del Norte at Surigao del Sur sa December 25.
Ipinunto naman ni Alabanza na ready na for energization ang ESAMELCO, ngunit hindi pa aniya nagdo-draw down ang naturang kooperatiba.
