Tinalakay ng Local Price Coordinating Councils ng Alicia, Aurora at Quezon katuwang ang Department of Trade and Industry Isabela ang tama at stable na presyo ng mga pangunahing bilihin.
Ipinaliwanag ng DTI Isabela Consumer Protection Division ang mga nakapaloob sa Republic Act 7581 o Price Act at responsibilidad ng LPCC sa pagtiyak ng sapat na supply at tamang presyo ng mga pangunahing bilihin sa oras ng kalamidad.
Kabilang sa aksyon na gagawin ng Council upang matiyak ang regular na pagmonitor sa presyo at suplay ng bilihin ay ang pagsasagawa ng Joint Operation Timbangan upang matiyak din na tama at patas ang ginagamit na timbangan ng mga tindero’t tindera.
Sa pamamagitan ng nasabing hakbang ay mapo-protektahan ang mga mamimili.
