ANDAM na ang Bureau of Fire Protection sa pagsaulog sa Pasko ug Bag -ong tuig nga luwas sa mga sunog.
Matud ni Fire Marshall Reginald Legaste sa Bureau of Fire Protection GenSan nga andam na ang ilang mga personahe ug kagamitan sa pagrespondi sa sunog ma-firecrackers man o dili.
Apan gipahinumdom ni Legaste sa publiko nga may ordinansa ang GenSan nga gidili ang firecrackers ug gitugutan lang ang mga pyrothecnics devices apan may mga ginatugutan lang usab.
Ang BFP matud pa musuporta lang sa kapulisan ug DOH sa pagpatuman sa mga balaod aron malikayan ang mga dili maayong panghitabo panahon sa Kapaskohan ug pagsugat sa bag-ong tuig.
Samtang gina-awhag ni Legaste nga aron malikayan ang mga sunog ug pagkasamad, mas maayo nga mogamit og mga karaang pagsaba saba sama sa pagpatingog sa kaldero, lata ug uban pa.
