Angol ang usa ka Dabawenyo human nalambigit sa karambola ang gimaneho niining kotse sa duha ka sakyanan sa National Highway Brgy Balindog Kidapawan City kagahapon.
Ang nahisgutan giila nga si Alven Ame Macabanding, 22 yrs old, taga Brgy 23, Boulevard, Davao City kinsa nagmaneho sa iyang Toyota Inova apan nakasugamak og disgrasya tali sa KIA sportage ug usa ka Kawasaki Barako 175 nga tricycle.
Sa imbestigasyon, naglawig ang KIA Sportage sa Sitio Maligaya – New Bohol route ug ang tricycle nga galatas sa New-Bohol – Kidapawan City Route dihang kalit na lamang silang gidasmagan sa usa ka Toyota Innova ni Macabanding.
Tungod sa kakusog sa impact, ang driver sa tricycle nakahiagom ug samad samtang ang sakay sa KIA sportage nga si Mrs. Aurelia Aballe Igang nabagok ang ulo sulod sa kotse nga gidala na sa balay tambalanan.
