GIBUTYAG ni Dominic Salazar Presidente sa Socksargen Federation of Fishing and Allied Industries Inc. (SFFAII) nga padayon nilang gisagubang karon ang problema sa pagtaas sa presyo sa krudo ug gasolina.
Ang maong problema ang usa sa mga pagahisgutan sa Tuna Industry players nga ilang ipaabot kang Pangulong Ferdinand Marcos Jr. Bisan pa man niini butyag ni Salazar maayo pa ang Tuna production sa syudad tungod daghan pa ang nagadunggo nga fishing boats karga ang mga klase-klaseng isda ug halos naa sa 250thousand metric tons ang landings sa fishport sa GenSan sa karon.
Kahibaloan nga ang General Santos City gikonsidera nga ‘Tuna Capital of the Philippines’ tungod nagikan dinhi ang pinakadakong gina-export nga tuna product, ug naa usab sa Gensan ang pinaka-daghang isda nga masikop. Enamie Mogpon
