-Reymund Titong
KABANKALAN CITY, Negros Occidental — Ginkilala sang Department of the Interior and Local Government (DILG) ang syudad sang Himamaylan bilang pinaka Child-Friendly nga local government unit sa Negros Occidental.
Nakabaton ang Himamaylan City sang rating nga 98.97%, ang pinakamataas sa 32 tanan ka LGU sa probinsya sa ginbalhag nga resulta sang DILG sang Miyerkules, Hulyo 17.
Upod sa Himamaylan, sulod man sa top 10 child-friendly LGUs ang syudad sang Bago City nga may 95.8%, La Castellana (95.50%), Hinoba-an (94.45%), Victorias City (90.50%), Silay City (89.25%), Cadiz City (88.95%), Talisay City (88.23%), Manapla (87.50%), La Carlota City (87.46%), kag banwa sang Murcia (86.83%).
Bangud sini, ang lokal nga panguluhan sang syudad ang nagtukod sang Barangay Council for the Protection of Children (BCPC) para sa pagpadayon sa ilang pag-uswag. Pinaagi sa pagpatigayon sang training sa sa bug-os nga siyudad kaupod ang mga opisyal sang barangay sang tinalikdan nga Hulyo 15-16, 2024, sa Acacia Hotel sa Bacolod.
Pahayag ni Himamaylan City mayor Rogelio Raymundo Tongson, Jr. ang nasambit nga workshop ang may tinutuyo nga palambuon ang kapasidad ang mga opisyal sang barangay nga mas mangin competent sa pagpatuman sang mga plano nga ginahimo para sa pag-alagad sa mga Himamaylanon.*
