Padayun nga nagaabo ro solid waste sa Iloilo City, halin ku 2010, base sa City Environment and Natural Resources Office (CENRO).
Suno kay Engineer Neil Ravena, nagaabot sa kapin 400 nga tonelada makarung dag on ro nakokolektang basura sa syudad kada adlaw.
Kat magbukas ro dumpsite it syudad sa Barangay Calajunan, sa Mandurriao ku 2010, ro average nga adlaw-adlaw nga basura hay 150 tonelada.
Nagsaka sa 260 tonelada kada adlaw ku 2016 ag dumoble raya ku 2020 sa pihak it pagsara it pilang restaurant, malls ag iba pang commercial establishments bangud sa COVID-19 pandemic.
Ginaangot ni Ravena ro pagtaas it nakokolektang basura sa syudad sa padayun nga paggamit it plastic sa mga packaging ag shipping it online purchases.
Ku Oktubre 3, nagsueod ro city government sa sangka kasugtanan sa Cemex Holding Philippines nga iproseso ro low-density plastic waste it metropolis para maging power source ku andang pabrika. // ANN DESLENE SALAZAR