Gunit na karon sa kapolisan ang suspek sa pagpatay sa menor de edad nga babaye sa Barangay Lasang Davao City.
Kana mao ang gibutyag ni PCPT. Rosario T. Aguilar sa press briefing kagahapon sa buntag kung asa giangkon niini nga aduna na usab witness nga makatabang sa imbestigasyon bahin sa pagpatay sa biktima.
Gisulayan usab sa Brigada News Team nga hinabion ang suspek apan nagdumili una ang Bunawan Police station sanglit under imbistigasyon pa ang suspek.
Kahinumdumang Martes sa buntag dihang nakita ang lawas sa dalagita kilid sa dalan sa maong lugar nga dunay samad dinunggaban sa pus-on.
Ang biktima gikan nagkuha og module sa eskwalahan niadtong Lunes apan nidalikyat og attend sa birthday party sa iyang kaila kuyog ang iyang uyab og nakit-an na lamang patay.
