Ginkumpirma it Department of Agriculture (DA) nga ensakto ro supply it manok sa Western Visayas sa tunga it banta it bird flu sa nasyun.
Kasunod kara, nagpaguwa it kasuguan ro meain-eain nga gobyeno probinsyal sa Region VI agud matapna ro pagkaeat it virus.
Sa probinsiya it Antique, nagpatuman it temporary total ban sa pagsuoed it tanan nga live domestic ag wild birds, poultry products, ag byproducts kaeakip ro karne, isiw, itlog, ag semilya halin sa mga rehiyon nga apektado it avian flu.
Sa Negros Occidental, nagpaguwa it EO No. 22-10 series of 2002 ro lokal nga gobyerno nga nagabawae man sa pagsuoed it poultry products halin sa Luzon ag iban pa nga mga lugar nga apektado it virus.
Sa Aklan, nagpaguwa it EO No. 12 nga nagabawae man sa tanan nga mga poultry products kaibahan ro mga itlog, karne it manok, ag semilya halin sa tanan nga mga rehiyon.
Base man kay DA secretary William Dar, mas ginabaskog pa it taeatapan ro mga quarantine protocols kuntra sa avian Influenza para mailakwan ro pagkaeat pa kara./JIL B. LACSON
